Sang Prabu Sane Ngrahayuang 4

Manusane Kaukum

35 Wenten cerita sujati saking , indik manusane kaukum olih .

36 Risampune manusane punika ngajeng wohan sane katombang olih Sang Hyang Tunggal, raris Sang Hyang Tunggal rauh ring taman Eden. Ritatkala manusane mirengin klesegan pamargin Sang Hyang Tunggale, raris ipun sareng kalih nyilibang raga. Irika raris Sang Hyang Tunggal masabda, 37 “Ih Adam, dijake cening?”

38 Raris Adam matur sekadi puniki, 39 “Titiang nyilibang raga sawireh titiang takut, krana dewek titiange malalung.”

40 Raris Sang Hyang Tunggal malih masabda, 41 “Nyen ngorahin cening malalung? Adake cening naar buahe ane Nira tombang ento?”

42 Raris Adam matur, 43 “Anake istri sane I Ratu genahang ring sisin titiange, ipun sane nguehin titiang wohan punika, raris titiang nunas.”

44 Raris, Sang Hyang Tunggal masabda ring anake istri punika, 45 “Ngudiang cening malaksana buka keto?”

46 Anake istri punika raris matur ring Sang Hyang Tunggal, 47 “I lelipi sane wenten ring tamane puniki, ia mobabin titiang raris titiang nunas wohane punika.”

48 Krana mobabin imanusa, Sang Hyang Tunggal raris mastu I lelipi, 49 “Iba kapastu dadi beburon ane paling nista uling saluirin beburone. Sentanan anake luh ene bakal ngencak tendas ibane, lan iba bakal ngenyagang tunggak batis sentanan anake luh ento.”

50 Kenten pada Sang Hyang Tunggal masabda ring anake istri punika sekadi puniki, 51 “Ritatkala cening beling, liu sajan pakeweh ceninge lan nyakit cening nglekadang pianak. Tur cening bakal kakuasain olih kurenan ceninge.”

52 Kenten pada ring anake lanang, Sang Hyang Tunggal masabda sekadi puniki, 53 “Uling jani, tanahe kapastu krana cening nungkasin prentah Nirane. Cening bakal keweh ngalih pangupa jiwa, krana tanahe ene bakal ngasilang bet lan ketket. Mapeluh cening ngalih dadaaran kanti cening mabalik buin dadi tanah, krana uli tanah cening kakardi.”

54 Irika raris Sang Hyang Tunggal makarya penganggo malakar aji kulit beburon, kauehin ring manusane. Raris Sang Hyang Tunggal nundung imanusa saking tamane punika. Lan Ida mrentahang , mangda nyaga margi nuju tamane punika. Mangdane manusane nenten mawali mrika jagi ngalap wohan punyan kayu kaidupan, sane ngicen urip salamin-laminne.

Manusane Kaukum

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”